Анын айтымында, 11-декабрда Кыргызстандын Стамбулдагы консулдугу түрк бийликтери менен сүйлөшүүлөрдү жүргүзүп, натыйжада ага өлкөдөн чыгып кетүүгө уруксат берилди. Бирок анын иши боюнча соттук териштирүү уланат: кийинки отурум 2026-жылдын январь айынын аягында белгиленген, анда Нурмат уулунун адвокаты катышат.
Эскерте кетсек, 9-майда Газиантеп провинциясындагы сот Нурмат уулун тергөө абагынан бошотуп, аны үй камагына которгон.
Кыргызстандын тышкы иштер министрлиги буга чейин бул иш боюнча жүргүзүлгөн иштер жана Түркиянын Кыргызстандагы элчилигине вербальдык нота жөнөтүлгөнү тууралуу маалымат берген.
