Кыргыз Республикасының башкы прокурору Максат Асаналиев Катар мамлекетинин башкы прокурору Исса бин Саад Аль-Джафали Аль-Нуайми менен аталган өлкөнүн борбору Дохада жолугушту.
Башкы прокуратуранын маалымат кызматынын маалыматына ылайык, жолугушууда кылмыш укугу боюнча эки тараптуу кызматташтыктын негизги аспекттери, ошондой эле коррупцияга жана транснационалдык кылмыштуулукка каршы күрөшүү боюнча чаралар талкууланды.
Жолугушуунун катышуучулары экстрадиция, соттолгондорду өткөрүп берүү жана кылмыш иштеринде өз ара юридикалык жардам көрсөтүү боюнча мамлекеттер аралык келишимдерди түзүү перспективаларына өзгөчө көңүл бөлүштү.
Тараптар Кыргызстан менен Катар прокуратураларынын ортосунда практикалык кызматташтыкты тереңдетүүгө жалпы кызыгууларын билдиришти.
