Ал көпчүлүк бейтаптар өз абалын начарлатканын белгиледи: "Кээ бирлери процедураларга такыр келбесе, башкалары алкоголдук мас абалында келип, медициналык кызматкерлерге агрессивдүү мамиле кылышат. Мындай кырдаалдарды эске алуу менен учурдагы эрежелерди кайра карап чыгуу керек", - деп баса белгиледи.
Ден соолук министри Дамирбек Осмонов Баатырованын пикирин колдоп, бейтаптар гемодиализди ар эки күн сайын алышы керек экенин кошумчалады. Бирок, анын айтымында, кээ бирлери жума сайын же андан да аз келип, бул алардын ден соолугуна терс таасирин тийгизет. Осмонов ошондой эле бейтаптардын дарыгерлерге жаман сөздөр айтып, физикалык зомбулук менен коркутуу учурлары болгонун белгиледи.
Министр: "Алар да өз жоопкерчилигин сезиши керек", - деп жыйынтыктады.
