"Биз депутаттык топтордун лидерлери менен өзгөртүүлөрдү талкууладык жана жаңы эрежелерди колдонууга киришебиз. Бул ыкма бардык чет өлкөгө болгон сапарларга тиешелүү. Буга чейин төрага адатта 5-6 коштоочу менен чыгып кетчү. Эми болсо ылайыктуу талапкерлер депутаттык топтордун алкагында тандалат. Эгер сапар экономикалык, юридикалык, экологиялык жана башка маанилүү маселелерди камтыса, анда талапкерлер ушул топтордон тандалат. Биз бул ыкманын көбүрөөк ачыктыкты, адилеттүүлүктү жана объективдүүлүктү камсыздайт деп ишенебиз, ошондой эле депутаттарды бириктирүү үчүн биринчи кадам болот", - деди Маматалиев.
