Президенттин администрациясынын маалыматы боюнча, мамлекет башчыларынын жолугушуусунун алкагында союздаштык жана стратегиялык мамилелерди тереңдетүүнү максат кылган биргелешкен билдирүү кол коюлду. Мындан тышкары, төмөнкү документтерге кол коюлду:
- Кыргыз Республикасының Экономика жана соода министрлиги менен Россия Федерациясынын Экономикалык өнүгүү министрлигинин ортосунда стратегиялык пландоо боюнча кызматташтык жөнүндө меморандум;
- Кыргыз Республикасынын Министрлер кабинети менен Россия Федерациясынын өкмөтүнүн ортосунда ички иштер жана миграция маселелери боюнча өкүлчүлүктөрдүн укуктук статусу жөнүндө келишим;
- Кыргыз-Россия Славян университетинин биринчи президенти Б. Ельциндин атындагы кампусту куруу боюнча эки өлкөнүн министрлер кабинеттери ортосундагы келишим;
- Министрлер кабинеттери ортосундагы калкты санитардык-эпидемиологиялык жактан камсыз кылуу боюнча кызматташтык жөнүндө келишим;
- Кыргыз Республикасынын Саламаттыкты сактоо министрлиги менен Россия Федерациясынын Саламаттыкты сактоо министрлигинин ортосунда кардиология тармагында өз ара түшүнүшүү жөнүндө меморандум;
- Кыргыз Республикасы менен Россия Федерациясынын ортосунда 2017-жылдын 20-июнундагы аскердик-техникалык кызматташтык боюнча келишимге өзгөртүүлөрдү киргизүү жөнүндө протокол;
- ОАО "Кыргызпочтасы" жана АО "Почта России" ортосунда ниеттер жөнүндө келишим.
