Прозаик, очеркист В. Светличный 1906-жылдын 31-мартында азыркы Липецк облусунун Рязан губерниясына караштуу Полибино айылында дыйкан үй-бүлөсүндө төрөлгөн. 1924-жылы Березовская орто мектебин аяктаган, 1928-1930-жылдары Москвадагы Тоо академиясынын кечки курстарында окуган.
Эмгек биографиясын 1924-жылы Липецк облусунун Даньков районундагы сабатсыздыкты жоюу инспектору катары баштаган, ошол эле учурда 1928-жылга чейин райондук гезиттин айылдык корреспонденти болуп иштеген.
1928-1930-жылдары Москвадагы курулуштарда иштеген, 1930-1932-жылдары Түштүк Казахстандагы мунай өндүрүүчү жайларда буровой устат катары эмгектенген.
1939-жылдан тартып В. Светличный журналистикада иштеп, Казахстан, Кыргызстан гезиттеринде, Москвадагы союздук радионун редакциясында эмгектенген.
1952-1967-жылдары «Советская Киргизия» гезитинин очеркист, адабият жана искусство бөлүмүнүн башчысы болуп иштеген.
Алгачкы китеби 1935-жылы Кызыл-Ордо шаарында басылып чыккан «Ачи-Сай» очерктер жыйнагы. Бир нече очерктер жана аңгемелер жыйнагынын, «Анархайская прелюдия» повестинин (1984-жыл) автору. Ал С. Сасыкбаевдин чыгармаларын орус тилине (авторлук менен) которгон, 1980-жылы «Менин замандаштарым» деген аталышта жарык көргөн.
1947-жылдан КПССтин мүчөсү, 1962-жылдан СССРдин Жазуучулар союзунун мүчөсү.
1941-1945-жылдардагы Улуу Ата Мекендик согуштагы эрдиктүү эмгеги үчүн «За доблестный труд» медалы жана Кыргыз ССР Жогорку Кеңешинин Ардак грамоталары менен сыйланган.
АЙРЫМ БАСМАЛАР
орус тилинде:
Ачи-Сай. —Кызыл-Орда: 1935. —56 б.
Дорога в пустыню: Очерки. —Ф.: Киргизгосиздат, 1960. —215 б.
Трава деревей: Очерки и рассказы. — Ф.: Кыргызстан, 1965. — 154 б.
Под пастушьей звездой: Были чабанского края. — Ф.: Кыргызстан,1981. —208 б.
Анархайская прелюдия: Повесть. —Ф.: Мектеп, 1984. —81 б.
