Кыргыз тилиндеги электрондук китепкана жакын арада сайты менен форматын өзгөртөт. Бул тууралуу 17-сентябрда «Биздин Мурас» коомдук фондунун директору Чоробек Сааданбеков билдирди.
Анын айтымында, бүгүнкү күндө сайттын базасында 350дөн ашык чыгармалар бар, жылдын аягына чейин дагы 100 чыгарманы жүктөө пландалууда.
«Азыр биз сайтты өнүктүрүү үстүндө иштеп жатабыз жана аны букридерлер үчүн жеткиликтүү жана окууга жеңил кылууну каалайбыз. Сайттын жаңы версиясы электрондук китеп форматынын жаңы колдонмолору менен киргизилет. Биз мектеп окуучулары жана кошумча мекемелер үчүн китептердин тизмесин алдык», - деди ал.
