Министрликтин басма сөз кызматынын маалыматына ылайык, иш-чарада катышуучулар порталдын 2023-жылдагы ИПДО Стандартына ылайыктыгын, анын функционалдык мүмкүнчүлүктөрүн, берилген маалыматтардын сапатын жана системаны түзүү жана өнүктүрүү боюнча техникалык аспектилерин талкуулашты.
Цифрлаштыруу, ведомстволор аралык өз ара аракеттенүү, жеке маалыматтарды коргоо жана табигый ресурстарды башкарууда ачыктыкты камсыз кылуу маселелерине өзгөчө көңүл бурулду.
Семинарга ар кандай мамлекеттик органдардын өкүлдөрү, анын ичинде Юстиция министрлиги, Салык кызматы, Финансылык чалгындоо кызматы, Улуттук банк, ГУ «Кызмат», Улуттук статистика комитети, Цифрлык министрлик, Жеке маалыматтарды коргоо боюнча мамлекеттик агенттик жана Антикоррупциялык бизнес кеңеш катышты.
