Компания 200 миң сом өлчөмүндө айыппулга тартылды, ал эми курулуш иштерин токтотуу чечими кабыл алынды.
Кыргыз Республикасынын курулуш, архитектура жана турак-жай-коммуналдык чарба министрлиги Чолпон-Ата курорттук зонасында мыйзамсыз курулуш объектиси аныкталганын билдирет.
Ысык-Көл облустук мамлекеттик архитектуралык-курулуш контролунун инспекторлору рейддердин алкагында текшерүү жүргүзүштү.
Текшерүү учурунда ОсОО «Дагас Сити» компаниясы керектүү уруксаттарды албастан эки кабаттуу конок үйлөрүн куруп жаткандыгы белгилүү болду.
Текшерүүнүн жыйынтыгы боюнча Кыргыз Республикасынын Кодексине ылайык мыйзам бузуулар жөнүндө протокол түзүлдү, анын негизинде компанияга 200 миң сом өлчөмүндө айыппул салынды, курулуш иштерин токтотуу чечими кабыл алынды. Мындан тышкары, компанияга аныкталган мыйзам бузууларды жоюу боюнча көрсөтмөлөр берилди.
Сүрөт министрликтин басма сөз кызматы тарабынан берилген.
