Кыргызстанда мамлекеттик "Элдик Банк" тарабынан суу ресурстары, айыл чарба жана кайра иштетүү өнөр жайы министрлигинин колдоосу менен жеңилдетилген кредит берүү программасы башталды. Бул программанын негизги артыкчылыгы өтө төмөн пайыздык ставкада — жылына 3% (эффективдүү пайыздык ставка 3,04%) болуп саналат, бул кредиттерди айыл чарба өндүрүүчүлөр үчүн өзгөчө жагымдуу кылат.
Программанын максаты — малдын генетикалык деңгээлин кыйла жогорулатуу жана өлкөнүн азык-түлүк коопсуздугун бекемдөө. Каржылоо айыл чарба өндүрүүчүлөрүнө, тукум заводдоруна гана эмес, ошондой эле атайын түзүлгөн КР Министрлер Кабинетинин тизмесине киргизилген жеке ишкерлерге жана мал импорттоочуларга да жеткиликтүү болот. Ошондой эле, осеменаторлор үчүн лимиттер каралган.
Кредиттер тукумдук мал сатып алууга, мисалы, ала-Тоо, герефорд, голштин, симментал жана башка породаларга колдонулушу мүмкүн. Мындан тышкары, каражаттар чарбаларды модернизациялоого, мал чарбачылык объектилерин курууга жана малга кам көрүү боюнча заманбап технологияларды киргизүүгө жумшалышы мүмкүн.
Кредит берүүнүн негизги шарттары:
Максималдуу насыя суммасы: 20 000 000 сомго чейин (осеменаторлор үчүн — 2 000 000 сомго чейин);Кредит берүүнүн мөөнөтү: 60 айга чейин (5 жыл);Жеңилдетилген мөөнөт: 6 ай;Кепилдиксиз лимит: 500 000 сомго чейин;Кошумча колдоо: эгер кепилдик жетишпесе, "Гарантийный фонд" ААКдан кепилдик алуу мүмкүн.
"Элдик Банк" өкүлдөрүнүн билдирүүсү боюнча, бул инициативанын ишке ашырылышы айыл чарба секторунун туруктуу өнүгүшүнө негиз түзөт жана Кыргызстан продукциясынын эл аралык аренада атаандаштыкка жөндөмдүүлүгүн жогорулатат. Фермерлер программанын шарттары боюнча толук маалыматты банктын филиалдарынан жана расмий веб-сайтынан ала алышат.
