Жолугушууда электр заряддоо станциялары үчүн инфраструктураны түзүү жана өлкөдө заманбап энергетикалык технологияларды киргизүү боюнча актуалдуу маселелер жана кызматташтыктын келечеги талкууланды.
Жолугушуунун катышуучулары күн энергия станцияларын куруу жана жаңылануучу энергия булактарын өнүктүрүү боюнча долбоорлорду камтыган кызматташтыкты тереңдетүүгө кызыктар экендиктерин билдиришти.
Мындан тышкары, энергетика тармагын цифрлаштырууга өзгөчө көңүл бурулду. Компания заряддоо инфраструктурасын башкаруу үчүн атайын программалык камсыздоону иштеп чыгуу тууралуу маалымат берди. Жолугушуунун натыйжасында Кыргызстандын энергетика министрлигине кирүү ачкычтары жана логиндерди өткөрүп берүү боюнча макулдашууга жетишилди, бул система боюнча ачыктыкты жана натыйжалуу башкарууну камсыз кылат.
