Жыйында билим берүүнүн сапатын контролдоо жана методикалык колдоо бөлүмүнүн башчысы Гульмира Акматова 2025-жылга карата иштин жыйынтыктарын чагылдырган аналитикалык отчетту сунуштады. Документ билим берүү процессин контролдоо жана текшерүү аспектилерине, ошондой эле билим берүү мекемелерине методикалык колдоо көрсөтүүгө багытталган.
Мамлекеттик санитардык-эпидемиологиялык көзөмөл борборунун (ЦГСЭН) өкүлдөрү мектепте окуу шарттарында туберкулез, курч респиратордук вирустук инфекциялар жана грипп боюнча алдын алуу чараларынын зарылдыгы тууралуу түшүндүрмөлөр беришти.
Мындан тышкары, ӨКМ кызматкерлери билим берүү мекемелеринде өрт коопсуздугун камсыз кылууга багытталган чаралар тууралуу катышуучуларды маалымдашты.
Ошондой эле жыйындын жүрүшүндө коопсуз жана сапаттуу билим берүү процессин уюштуруу боюнча башка маанилүү маселелер талкууланды. Иш-чарага 128 адам катышты.
