34 өлкөдө жана 89 шаарда Кыргызстандыктар үчүн шайлоо участкалары ачылды. Бул тууралуу Борбордук шайлоо комиссиясынын (БШК) төрагасы Тынчтык Шайназаровдун эл аралык байкоочулар үчүн өткөргөн пресс-конференциясында маалымдалды.
Шайназаровдун маалыматы боюнча, өлкөдөн тышкары жүргөн кыргызстандыктардын шайлоо укуктарын камсыздоо үчүн, Тышкы иштер министрлиги чет өлкөдө 100 участок ачуу демилгесин көтөргөн.
«Чет өлкөдө жашаган мекендештерибиздин санынын көптүгүн эске алганда, алардын добушу эсептелиши маанилүү. Россияда, айрыкча, 31 шаарда 40 шайлоо участкалары уюштурулду, алардын ичинен 15и жаңы», — деп кошумчалады ал.
Ошондой эле Түркияда 8 участок, Казакстанда — 7, АКШда — 6, Кореяда — 4, Италияда — 3 участок иштеп жатат. Германияда, Кытайда, Бириккен Араб Эмираттарында жана Сауд Арабиясында 2 участок ачылган. Калган 24 өлкөдө бирден шайлоо участкалары иштөөдө, — деп баса белгиледи Шайназаров.
