Бул тууралуу Ош облустук ички иштер башкармалыгынын басма сөз кызматы билдирди.
Алынган маалыматтарга ылайык, 2025-жылдын 1-декабрында Ноокат РОВДсына М.Э. аттуу, 1966-жылы туулган жаран кайрылган. Ал 1-декабрдын түнүндө үйүнүн жанында токтоп турган «ВАЗ-2107» үлгүсүндөгү унаасы белгисиз адамдар тарабынан уурдалганын айтып берди.
Уурдалган факт катталган жана алдын ала текшерүүлөр башталган.
Жыйналган далилдердин негизинде КРнын Кылмыш кодексинин 211-беренеси боюнча транспорт каражатын мыйзамсыз ээленүү боюнча кылмыш иши козголуп, тергөө иштери башталган.
Оперативдүү-издөө иш-чараларынын натыйжасында шектүүлөр — 2003-жылы туулган М.Н. жана 2007-жылы туулган Т.М. кармалып, убактылуу кармоо жайына жайгаштырылды.
Тергөө учурунда кармалгандар унаанын уурдалышы тууралуу социалдык тармактарда жарыялап, аны башка транспорт каражатына алмаштыргандыгы аныкталды.
Учурда оперативдүү-тергөө иштери уланууда.
