Айжан Овосовна Тайтакова 36 жылдан бери медицина тармагында иштеп келет, учурда Иссык-Ата районундагы Рот-Фронт айылындагы үй-бүлөлүк дарыгерлер тобунда улук медайым кызматын аркалап жатат.
Ал 1972-жылы Рот-Фронт айылында төрөлүп, жергиликтүү орто мектепте окуган. Токмок медициналык училищесин “акушерка” адистиги боюнча кызыл диплом менен ийгиликтүү аяктаган соң, медицина тармагын тандаган. Анын медицинадагы жолу 1989-жылы Рот-Фронт айылындагы оорукананын санитаркасы болуп иштей баштаганда башталган. Андан кийин медициналык училищеде окугандан кийин, ал кайрадан өзүнүн туулган ооруканасына кайтып келип, акушерка болуп иштеген. 1999-жылы төрөт бөлүмү ачылган соң, ал ушул багытта карьерасын уланткан. 2019-жылы бөлүм жабылган соң, ал стационарда жана үй-бүлөлүк дарыгерлер тобунда медайым болуп иштеген. Учурда ал боюнда бар аялдарды кабыл алууда жана райондук ооруканадан жана мамлекеттик администрациядан бир нече Ардак грамоталары менен сыйланган», — деди Тайтакова.
Ал ошондой эле иштөө учурундагы эң эсте калган учурлардын бирин эске алып, жаш энелерге кеңештерин берди. «Ар кандай кырдаалдар болот. Бир жолу, биздин төрөт бөлүмү дагы иштеп жатканда, жаш аял биринчи төрөтүнө кайын энеси менен келип, ич ооруганын айтты. Мен аны текшерип, “Бардыгы жакшы, төрөткө дагы бир ай бар” деп жообумду бердим. Бирок кайын эне менин жообума нааразы болуп, төрөттү тездетүү үчүн укколду талап кылды. Ал арыз жазууга коркутту. Бир айдан кийин келин төрөдү, ал эми кайын эне кечирим сурады. Ошол учурда электр энергиясы жок болуп, биз түнү бою шам менен иштечүбүз. Жаш энелерге менин кеңешим: төрөттөн кийин баланы сут менен 24 саат бою эмизиңиздер. Бул матканы тез кыскартууга жана кыйынчылыктарды алдын алууга жардам берет», — деп кошумчалады ал.
