Учурда «Bevac» вакцинасын колдонууда. Координатордун белгилөөсү боюнча, өлкөдө гепатит Bнин жайылышын токтотуу максатында масштабдуу эмдөө кампаниясы башталды. Негизги көңүл 25 жаштан 65 жашка чейинки жарандарга бурулуп, биринчи кезекте эң уязвимдүү топтор эмделүүдө.
Алардын катарына медициналык кызматкерлер, гепатит B менен ооруган адамдар менен байланышта болгон жарандар, сулуулук салондорунун кызматкерлери (чач тарачтар жана маникюр боюнча адистерди камтыган), ошондой эле ВИЧ/СПИД менен жашагандар, хроникалык оорулары бар жарандар жана майыптар, жабык мекемелердеги адамдар жана аскер кызматкерлери кирет.
Координатордун маалыматы боюнча, Жалал-Абад облусунда эмдөөдөн өтүүгө 447 939 адам тийиштүү, алардын ичинен бүгүнкү күндө 36 928 жашоочу эмделди. «Облустагы медициналык мекемелерде 30 миң доза вакцина бар, кошумча 10 миң доза облустук Санитардык-эпидемиологиялык көзөмөл борборунун складында келди. Медициналык кызматкерлер түшүндүрүү иштерин улантууда жана эмдөө жүргүзүүдө», — деп кошумчалады Махмаджунус уулу.
Учурда медициналык көзөмөлдө 5 721 адам бар, алар ар кандай формалардагы гепатиттен, анын ичинде B, C жана дельта формасынан жабыркаган.
