Жолугушуунун жүрүшүндө Швейцария тарабынан колдоого алынган Кыргызстандагы саламаттык сактоо тармагындагы долбоорлор боюнча биргелешкен иштин жыйынтыктары жана келечектеги кызматташуу мүмкүнчүлүктөрү талкууланды.
Катышуучулар саламаттык сактоо тармагында калктын финансылык коргоосун жакшыртууга, жарандардын ден соолук боюнча маалымдуулугун жогорулатууга, жергиликтүү деңгээлде ден соолук комитеттеринин ассоциацияларын өнүктүрүүгө, медициналык кызматкерлердин квалификациясын жакшыртууга, инфекциялык эмес оорулардын алдын алуу жана башкаруу боюнча биринчи медициналык-санитардык жардамды күчөтүүгө, ошондой эле саламаттык сактоо системасында башкарууну жакшыртууга багытталган биргелешкен инициативалардын жыйынтыктарына көңүл бурушту.
Катышуучулардын айтымында, ишке ашырылып жаткан долбоорлор медициналык кызмат көрсөтүүлөрдүн жеткиликтүүлүгүн жана сапатын жакшыртууга, алдын алуу чараларын өнүктүрүүгө жана өлкөдөгү саламаттык сактоо системасынын институттук потенциалын күчөтүүгө көмөктөшүүдө.
Переговорлордун соңунда эки тарап да саламаттык сактоону өнүктүрүүнүн негизги багыттарында өнөктөштүктү улантууга жана кызматташууну кеңейтүүгө кызыктар экендиктерин билдиришти.
