БУУ тарабынан берилген маалыматка ылайык, дүйнө жүзү боюнча болжол менен 1,3 миллиард адам ар кандай формадагы инвалиддүүлүк менен жашашат.
Уюмдун белгилөөсү боюнча, бул адамдардын көбү стигматизация, дискриминация, кедейчилик, ошондой эле билим алуу жана жумушка орношуу мүмкүнчүлүктөрүнүн чектелиши сыяктуу олуттуу тоскоолдуктарга дуушар болушат, бул алардын социалдык интеграциясына терс таасир этет.
БУУнун Башкы катчысы Антониу Гутерриш 3-декабрда белгиленген инвалид адамдардын эл аралык күнүнө карата кайрылуусунда: «Инклюзия чындыкка айланганда, бул бардыгына пайда алып келет. Бирге биз ар бир адамдын ийгиликке жетишине мүмкүнчүлүк берген ачык жана туруктуу коомду түзө алабыз» деп белгиледи.
