Шаршемби, 31-декабрда, Түркиянын авиакомпаниясы Turkish Airlines'тын 60тан ашык рейси катуу кар түшүү себептүү токтотулду. Бул тууралуу компаниянын расмий өкүлү Яхъя Устюн РИА Новости'ге билдирди.
Устюн социалдык тармактагы публикациясында «61 рейс Түркиянын чыгыш жана борбордук бөлүктөрүндөгү аба ырайынын начарлашына байланыштуу токтотулду» деп белгиледи.
Жума күндөн тартып Түркиянын бир нече аймактары Россия жана Исландиядан келген суук аба массаларынан улам суукка туш болду. Түркиянын метеорология башкармалыгы катуу кар түшүү себептүү өлкөнүн көпчүлүк аймактары үчүн сары деңгээлдеги кооптуулук жарыялады.
