Ачыктоо NASAнын Кеплер космос телескопу тарабынан 2017-жылы башталган K2 миссиясынын алкагында чогултулган маалыматтардын негизинде жасалды. Изилдөөлөр жаңы объект жерден болгону 6% чоңураак экенин, ал эми жылдык циклы 355 күн экенин көрсөттү. Укумуштуулар HD 137010 b планетасынын «жашоо зонасында» – суу суюк абалда болушу мүмкүн болгон аймакта болушу мүмкүнчүлүгү 50% чамасында экенин болжолдошот.
Жер менен айрым окшоштуктарына карабастан, планетадагы шарттар кыйла катаал болушу мүмкүн. Экзопланетанын ата-энеси жылдызы биздин Күнгө окшош, бирок ал азыраак жаркырайт жана суук.
Изилдөөчүлөр HD 137010 b планетасынын бетиндеги температура, балким, Марс планетасына жакын болуп, -70 градус Цельсийге чейин төмөндөшү мүмкүн экенин белгилешет.
Суинберн Технологиялык университетинин доктуру Сара Уэбб планетада маанилүү көлөмдө суу болушу мүмкүн экенин болжолдойт, бирок анын көбү тоңгон абалда болушу мүмкүн.
Түштүк Квинсленд университетинин доктуру Челси Хуангдын айтымында, бул ачыктоонун мааниси жылдыздын жакындыгында жана жаркырашында жатат, ал Жерден болжол менен 150 жарык жылдык аралыкта жайгашкан. Салыштыруу үчүн, мурда белгилүү болгон эң жакын экзопланета Kepler-186f төрт эсе алыс жана дээрлик 20 эсе азыраак жаркырайт. Бул келечекте окумуштууларга жаңы планетада атмосфераны жана жашоо шарттарын кийинки муундагы телескоптордун жардамы менен терең изилдөөгө мүмкүнчүлүк берет.
