Прокуратуранын билдирүүсүнө ылайык, Саиф аль-Ислам ок жеп, курман болгон, учурда бул кылмышка тиешеси бар адамдарды аныктоо боюнча иш-чаралар жүргүзүлүүдө.
Анын өлүмү тууралуу маалымат 3-февралда пайда болду, ал Триполинин түштүгүндөгү аймакта өлтүрүлгөнү белгилүү болду. Маалыматтар боюнча, окуя ар түрдүү куралдуу топтордун ортосундагы согуштук аракеттер зонасында болгон. Каддафи үй-бүлөсүнө жакын булак Саиф аль-Ислам өзүнүн бакчасында атып өлтүрүлгөнүн билдирүүдө. Анын өлүмүнө байланыштуу тарапташтары эл аралык иликтөө өткөрүүнү талап кылышууда.
