Министрликтин маалыматы боюнча, төрөлүүнүн өсүшүнө себеп болгон негизги факторлордун бири — катталган никелердин санынын көбөйүшү. Министрликтин өкүлү Пак Хён Чжон 2024-жылдын апрелинен 2025-жылдын декабрына чейин 21 ай бою никелердин санынын көбөйгөнүн белгиледи. Бул COVID-19 пандемиясы себептүү үйлөнүүнү кечиктирген көптөгөн жубайлар акырында бул кадамды жасоону чечишкендиги менен байланыштуу.
Натыйжада, Түштүк Кореяда төрөлүү коэффициентинин өсүшү байкалууда, ал акыркы жылдары дүйнөдөгү эң төмөнкү деңгээлдердин биринде болгон. Эгер 2023-жылы бул көрсөткүч рекорддук төмөн 0,72ге түшсө, 2024-жылы ал 0,75ке жетти, ал эми 2025-жылы 0,8ге көтөрүлдү. Бирок, бул деңгээл дагы эле өлкөнүн 51 миллион адамдан турган калкын сактоо үчүн зарыл болгон 2,1 көрсөткүчүнөн кыйла төмөн.
