Миссиянын маалыматына ылайык, 16-мартта Азербайжан, Кыргызстан жана Түркия парламенттеринин өкүлдөрү, ошондой эле ТЮРКПАнын эл аралык катчылыгынын кызматкерлери жана Азербайжан Республикасынын Борбордук шайлоо комиссиясы Астана жана Алматыда маалымат жыйынын өткөрүштү.
Көзөмөлчүлөрдүн билдирүүсүндө Казакстандын жаңы Конституциясы сунуштаган негизги өзгөртүүлөр белгиленген. Атап айтканда, 145 депутаттан турган, кеңейтилген ыйгарым укуктарга ээ бир палаталуу парламент — Курултайды түзүү, вице-президенттик кызматын киргизүү жана мыйзам чыгаруу демилгесине жана референдумдарды баштоого укугу бар Казакстан Элдик кеңешин түзүү жөнүндө сөз болуп жатат.
Документ референдумдун жүрүшүнө, анын юридикалык негизине, процессти уюштурууга, шайлоочулардын каттоосуна, ошондой эле үгүт кампаниясына жана добуш берүүнү көзөмөлдөөгө көңүл бурат.
Көзөмөлчүлөр добуш берүү күнү Астана, Алматы жана Түркестандагы 115 шайлоо участогун текшеришти, участкалардын ачылышын, добуш берүү процессин жана добуштарды эсептөөнү байкап турушту. Алар референдум тынч обстановкада өткөнүн, добуш берүү уюшкан жана ачык болгонун белгилешти.
ТЮРКПА өткөн референдум Казакстандын демократиялык өнүгүүсүнө карай маанилүү кадам болгонун, жарандарга конституциялык маанидеги маселелер боюнча өз көз караштарын билдирүүгө мүмкүнчүлүк бергенин баса белгиледи. Ошондой эле добуш берүүнү өткөргөн органдардын ишинин жакшы сапаты жана катышуучулардын жогорку даярдыгы белгиленди.
