Мекенчилдерге тынчтыкты сактоого жана улуттук биримдикти бекемдөөгө, ошондой эле диалогго жана тынчтыкка умтулууга чакырган кайрылуу да камтылган. "Эч ким сыйлоо жана бирге жашоо жолунан баш тартпашы керек, анткени бул биздин мекендин жолу", - деп баса белгиленет алардын билдирүүсүндө. Жарияланууга комментарийлер өчүрүлгөн.
Маалыматка ылайык, учурда Мадуро жана Флорес Бруклинде тергөө изоляторунда, наркотрафик жана башка кылмыштар боюнча соттук териштирүүнүн башталышын күтүп жатышат.
Эске салсак, 8-март Эл аралык аялдар күнүнө карата Мадуронун уулу элге кайрылуу жасап, венесуэлалыктарды ишенимди сактоого чакырып, өлкө кыйынчылыктарды жеңе алаарына ишендирген.
Эскерте кетсек, быйыл 3-январда АКШда Николас Мадурону кармоо операциясы өткөрүлгөн. Бул операциянын алкагында анын жубайы Силия Флорес да камакка алынган. 5-январда алар Нью-Йорктогу федералдык сотто өз күнөөсүн мойнуна алышкан жок. Иш жүзүндө, учурда Венесуэла башкаруусун Делси Родригес жүргүзүүдө, ал мурда вице-президенттик кызматта болгон.
