Киреше акысыз сеанстарга
Венгриянын элчилиги тарабынан уюштурулган венгр киносу күндөрү 2025-жылдын 3-5-ноябрында жана 10-ноябрында Бишкекте өтөт.
Иш-чаранын алкагында Венгриянын тарыхындагы маанилүү учурларды каармандардын жеке окуялары жана эскерүүлөрү аркылуу ачып берген чыныгы окуяларга негизделген венгр устаттарынын мыкты фильмдери көрсөтүлөт.
Кино көрсөтүүлөр Кыргыз мамлекеттик университетинин И. Арабаев атындагы жана Кыргыз мамлекеттик медициналык академиясынын И. Ахунбаев атындагы залдарында өтөт.
Көрсөтүү расписаниеси
3–5-ноябрь - Кыргыз мамлекеттик университетинин И. Арабаев атындагы чоң залында (Бишкек ш., Раззаков көч., 51А, 2- корпус):
3-ноябрь, 17:00 – «Менин балдарым үчүн күндөлүк», 1982-жыл. Режиссер: Марта Месарош. Фильм 1984-жылдагы Канн кинофестивалында Гран-при жеңип алган.
4-ноябрь, 17:00 – «Менин сүйүктүүлөрүм үчүн күндөлүк», 1987-жыл. Режиссер: Марта Месарош. Бул фильм 37-берлин кинофестивалында күмүш сыйлыкка ээ болгон.
5-ноябрь, 17:00 – «Земмельвейс», 2023-жыл. Режиссер: Лайош Колтаи.
10-ноябрь, 15:00 – «Земмельвейс». Кино көрсөтүү Кыргыз мамлекеттик медициналык академиясынын И. Ахунбаев атындагы конференц-залында өтөт (Бишкек ш., И. Ахунбаев көч., 92).
Сеанстарга кирүү акысыз, бирок орундар чектелүү. Алдын ала катталуу сунушталат: Электрондук почта дареги спам-боттордон корголгон. Даректи көрүү үчүн браузериңизде jаvascript активдүү болушу керек.
Кошумча маалыматты 0 312 97 50 12 телефону аркылуу алсаңыз болот.
