Бул долбоор боюнча кызматташтык 2029-жылга чейин уланат
Билим берүү министрлиги жана БУУнун Балдар фонду (ЮНИСЕФ) сапаттуу жана инклюзивдүү билим берүүгө жетүүнү жакшыртууга багытталган инициативанын алкагында биргелешип иштөө жөнүндө келишимге кол коюшту (SmartEd, 2025-2029).
Долбоорду каржылоону Ислам өнүктүрүү банкы жана Билим берүү боюнча Глобалдык өнөктөштүк жүргүзөт. Бул инициатива «Алтын казык» билим берүү системасын трансформациялоо боюнча улуттук программага интеграцияланган.
Билим берүү министрлиги менен ЮНИСЕФтин биргелешкен аракеттери окуу планын жаңылоого, мугалимдердин даярдыгын жакшыртууга, ошондой эле мүмкүнчүлүгү чектелген жана атайын билим берүү муктаждыктары бар балдар үчүн билим берүү мүмкүнчүлүктөрүн кеңейтүүгө багытталат.
Бул өнөктөштүктүн алкагында ЮНИСЕФ билим берүү процессинин сапатын жогорулатууга колдоо көрсөтүп, 2029-жылга чейин билим берүүдөгү инклюзивдүү мамилени киргизүүгө көмөктөшөт.
Сүрөт www
