Глобалдык өнөктөштөр менен кызматташуу алкагында, Мамлекеттик ишкана «Кыргызфармация» ЮНИСЕФ, БУУнун балдар фонду менен жолугушуу уюштурду.
Жолугушууда ЮНИСЕФ платформасы аркылуу жашоо үчүн зарыл болгон вакциналарды, медициналык препараттарды жана жабдууларды сатып алуу маселелери, ошондой эле сактоо стандарттарын жана техникалык процесстерди жакшыртуу талкууланды.
Ошондой эле, алыстагы райондордо жеткирүүнүн натыйжалуулугун жогорулатуу маселеси жана бул процессте санариптик технологиялардын ролу каралды.
Жолугушуунун жыйынтыгы боюнча тараптар техникалык консультацияларды улантуу жана эл аралык адистер менен тажрыйба алмашуу боюнча макулдашууга келишти.
