Чет элдик адистерди тартуу учурдагы мыйзамдардын алкагында жана өлкөнүн реалдуу экономикалык муктаждыктарын эске алуу менен жүргүзүлөт. Бул практика убактылуу болуп, адистештирилген билимдерди жана көндүмдөрдү талап кылган инвестициялык жана инфраструктуралык долбоорлорду колдоого багытталган.
Министрлик жергиликтүү жарандардын эмгек рыногунан сүрүлүп чыгышын алдын алуу эң маанилүү принцип экенин белгиледи. Чет элдик жумушчулар үчүн квоталар, уруксаттар жана болуу шарттарын камтыган бардык этаптар, эмгек жана миграция мыйзамдарын бузуунун алдын алуу боюнча катуу көзөмөлгө алынат.
Чет элдик жумушчуларды тартуу процедуралары башка мамлекеттик мекемелер менен кызматташтыкта жөнгө салынат. Процедуралардын ачык болушун камсыз кылууга, жумушчулардын укуктарын сактоого жана жергиликтүү кадрлардын долбоорлорго катышуусун акырындык менен көбөйтүүгө чоң көңүл бурулат.
Жарандарга чет элдик жумушчуларды тартуу боюнча түшүндүрмөлөрдү кайдан алууга боло тургандыгы тууралуу маалымат берилди:
Кыргыз Республикасынын Тышкы иштер министрлигинин Консулдук департаменти: Бишкек, Тоголока Молдо көчөсү, 10, телефон: 0312663070;
Кыргыз Республикасынын Эмгек, социалдык камсыздоо жана миграция министрлиги: Бишкек, Тыныстанов көчөсү, 215.
