Бул чаралар Жалал-Абад — Көк-Жаңгак темир жолунун 406-километрден 421-километрге чейинки бөлүгүндө демонтаждоо иштеринин башталышы менен байланыштуу кабыл алынды. Иштерди «Кыргыз темир жолу» улуттук компаниясынын түштүк бөлүмү жүргүзүүдө.
Кыргыз Республикасынын Транспорт жана байланыш министрлигинин буйругуна ылайык, 19-январдан баштап Манас шаарында төмөнкү көчөлөрдөгү темир жол өтмөктөрүндө авто транспорттун кыймылына чектөөлөр киргизилет:
Ж. Бакиев көчөсү;
Д. Малашев көчөсү;
Б. Ботокараев көчөсү;
Пушкин көчөсү.
Көчөлөрдүн жабылышы кезек-кезеги менен жүргүзүлүп, транспорт альтернативдүү маршруттарга багытталат.
Демонтаждоо иштеринин графиги боюнча жүрүп жатат жана 2026-жылдын 1-февралына чейин аяктайт деп күтүлүүдө.
Мурда демонтаждалган темир жолдордун ордуна төрт жолдуу авто жол куруу пландалгандыгы маалымдалган.
