Текшерүүнүн жүрүшүндө «НТ Групп-Строй» компаниясы техникалык регламенттердин, курулуш нормаларынын жана стандарттарынын, ошондой эле башка байланыштуу нормативдик актыларды сактабай турганы аныкталды, бул айыппулга себеп болду.
Текшерүүнүн натыйжасында тиешелүү акт түзүлүп, фирма 200 миң сомго айыпталды. Бул мыйзам бузуулар боюнча маалымат бирдиктүү реестрге киргизилди.
Министрлик курулуш тармагындагы бардык катышуучуларды белгиленген стандарттарга жана нормаларга так ылайык иштөөгө, мыйзамга ылайык иштерди аткарууга, ошондой эле жарандардын коопсуздугун камсыздоо үчүн техникалык регламенттердин талаптарына өзгөчө көңүл бурууга чакырды.
