Кыргызстандын Эмгек, социалдык камсыздоо жана миграция министрлиги экономикадагы ар кандай секторлор боюнча орточо эмгек акы тууралуу маалыматты сунуштады.
Улуттук статистика комитетинин маалыматына ылайык, эң жогорку орточо эмгек акы финансылык сектордо байкалат, ал 67 121 сомду түзөт. Өнөр жайдагы көрсөткүчтөр бул деңгээлге жакын — орточо эмгек акы 66 990 сомду түзөт.
Транспорт тармагында кызматкерлер орточо 58 657 сом табышат, ал эми курулушта бул көрсөткүч 57 472 сомду түзөт. Соодада орточо эмгек акы 47 125 сом, ал эми айыл чарбасында 33 462 сомду түзөт.
Кызмат көрсөтүү тармагындагы эмгек акы орточо республикалык көрсөткүчтөн төмөн, 29 679 сомду түзөт. Саламаттык сактоо жана социалдык камсыздоодо ал 28 082 сом, билим берүү тармагында 27 054 сомду түзөт. Маданиятта эң төмөнкү орточо эмгек акы 24 861 сомду түзөт.
Министрликтен эскертишкендей, жарандар жумуш орундары жана жумушка орношуу мүмкүнчүлүктөрү тууралуу кененирээк маалыматты аймактык жумушсуздук кызматтарынан ала алышат.
