Министрдин айтымында, Кыргызстандык айдоочу менен болгон окуядан кийин АКШнын Автомобиль ташууларын коопсуздук башкармалыгы (FMCSA) бир катар чараларды кабыл алды:
- AJ Partners компаниясынын, айдоочунун жумуш берүүчүсүнүн иши токтотулду;
- ошондой эле Tutash Express жана Sam Express деген эки байланышкан компаниянын иши токтотулду;
- айдоочуга коммерциялык айдоочулук укуктарын (CDL) берген Aydana авто мектебинин сертификаты жокко чыгарылды.
Шон Даффи текшерүүлөр улантылып жатканын жана федералдык органдар мыйзам бузууларга катышы бар бардык адамдарды жоопкерчиликке тартууну пландаштырууда экенин белгиледи.
Маалыматтар боюнча, Tutash Express жана Sam Express Inc компаниялары Кыргызстандык мигранттар тарабынан башкарылат.
Темага байланыштуу окуңуз АКШдагы өлүмгө алып келген жол кырсыгы. МИД кыргызстандык менен болгон кырдаалды өзгөчө көзөмөлгө алды
Учурда федералдык тергөөчүлөр Кыргызстандыктар менен байланышкан башка жүк ташуучу компанияларды да текшерип жатышат.
Эскерте кетсек, 3-февралда Индиана штатында Кыргызстандык Бекжан Бейшекеев кармалган, ал төрт адамдын өмүрүн алган жол кырсыгына катышы бар деп айыпталууда. Полициянын маалыматына караганда, анын жүк ташуучу унаасы каршы тилкеге чыгып, фургон менен кагышкан.
