Жардам көрсөтүү чегинде министрликтин кызматкерлери жабырлануучунун туугандары менен жолугушту. Ошондой эле Чикагодогу Генералдык консулдуктагы дипломаттар Б.Б. менен байланыш түзүп, зарыл болгон колдоону көрсөтүштү.
Б.Б. менен телефон аркылуу сүйлөшүү учурунда дипломаттар ага консулдук жана юридикалык маселелер боюнча кенен консультациялар беришти. Алар АКШнын мыйзамдарына ылайык аракеттер боюнча сунуштарды беришти.
Учурда министрлик Б.Б.нын кайда экенин тактоо боюнча иштерди жүргүзүүдө. Зарыл болгон маалыматты алгандан кийин, Генералдык консулдуктун кызматкерлери менен жеке жолугушуу өткөрүүнү пландаштырууда.
Жаңы кырдаал министрликтин жана АКШдагы дипломатиялык өкүлчүлүктүн атайын көзөмөлүндө. Дипломаттар жарандын жакындары менен байланышта болуп, өз компетенциясы чегинде зарыл болгон консулдук-юридикалык жардамды камсыз кылышууда.
