Фестивалдын жүрүшүндө катышуучулар улуттук дефиле көрсөтүшүп, өз өлкөлөрүнүн традициялык кийимдери жана желектери менен чыгып, ошондой эле өз элдеринин маданиятын чагылдырган этно-заманбап образдар жана чыгармачылык номерлерди сунушташты.
Конкурс төрт жаш категориясында өтүп, анын жыйынтыгы боюнча жеңүүчүлөр аныкталды:
- категория A - Айсулу Колганат (Казакстан);
- категория B - Асуде Сена Фенерчи (Түркия);
- категория C - Рамзан Турганалыев (Кыргызстан) - Гран-принин ээси;
- категория D (кыздар) - Алтынай Баймуратова (Казакстан) - Гран-при;
- категория D (кыздар) - Айина Сансызбаева (Кыргызстан) - 1-орун;
- категория D (балдар) - Данияр Буранов (Өзбекстан).
Мындан тышкары, фестивалдын алкагында Mini Miss & Mister Kyrgyzstan 2026 улуттук конкурсу өтүп, Кыргызстанды эл аралык конкурстарда көрсөтө турган катышуучулар тандалды.
Бул долбоордун уюштуруучусу — эл аралык World Kids Beauty Association уюмунун улуттук директору Айжамал Осмонова.
Фестиваль Тайланд, Түркия, Вьетнам жана Непалдан келген эл аралык платформалар менен кызматташтыкта жүзөгө ашырылууда, жана келечекте долбоордун географиясын кеңейтүү, башка тюрк өлкөлөрүндө ушундай иш-чараларды өткөрүү пландалууда.
