Ал учурда 10% өндүрүлгөн суммадан кармалып, алардын бир бөлүгү кийин сот аткаруучуларына негизги айлык акыдан тышкары гонорар катары төлөнөрүн белгиледи.
«Биздин изилдөөсүбүз көрсөткөндөй, каражаттын көбү Бишкек жана Чүй облусунда өндүрүлөт, бул айрым сот аткаруучуларына 1 миллион сомго чейин алууга мүмкүнчүлүк берет. Региондордо абал башкача — алар 23 миң сомдук бекитилген айлык алышат, анткени аларда ири суммаларга аткаруу листтери жок. Бул кадрлардын агып кетишине алып келет, учурда 20 бош орун бар», — деди ал.
Жаңы эрежелер боюнча, чогултулган 10% бардык аткаруучулар арасында пропорционалдуу бөлүштүрүлөт, бул абалды жакшыртууга жардам берет.
Мындан тышкары, Башкы прокуратуранын мыйзамына ылайык, практикага киргизилген жеке сот аткаруучулары бекитилген айлык албайт, бирок алардын гонорарлары өндүрүлгөн суммадан 3% дан 25% га чейин болот.
Көзөмөл органынын маалыматына ылайык, 2025-жылы сот аткаруучулары 196 миллион сом өндүрүүгө жетишкен.
Ошондой эле, Башкы прокуратуранын «Сот аткаруу өндүрүшү боюнча айрым мыйзам актыларына өзгөртүүлөрдү киргизүү жөнүндө» мыйзам долбоору жеке сот аткаруучуларынын институтун киргизүүнү жана алимент төлөбөгөндөр үчүн жазаларды күчөтүүнү сунуштайт.
