Алимбаев белгилегендей, Казакстан жарандары үчүн, кыргызстандыктар сыяктуу, Кыргызстанда милдеттүү каттоодон өтүү талап кылынат. Бирок, анын айтымында, көп жылдар бою каттоодон өтпөгөн жарандар категориясы бар. Жаңы эрежелердин киргизилиши менен, кыргызстандыктарга Казакстан жарандыгын алган жана өзүнүн тарыхый мекенине кирүүдө кыйынчылыктарга туш болгон жарандар боюнча депутаттардан көптөгөн кайрылуулар келип түштү.
Анын айтымында, Кабмин бул кайрылууларга жооп берип, Тышкы иштер министрлигинин деңгээлинде жумушчу топ түздү. Кыргызстанда төрөлүп, жашаган, бирок кийин Казакстан жарандыгын алган жарандар чек араны тоскоолдуксуз кесип өтө алышат. Алар үчүн визаранага байланыштуу өзүнчө норма иштелип чыгат.
Мындан тышкары, Алимбаев Казакстан жарандыгына ээ балдары бар кыргызстандыктар өлкөгө тынчтык менен кире алаарын белгиледи.
Эскерте кетсек, 2025-жылдын октябрь айында Казакстан жарандарына Кыргызстанда 180 күндүн ичинде 90 күн бою болушуна уруксат берүүчү норма киргизилген. 2025-жылдын декабрь айынан баштап, бул мөөнөттү ашып кеткен казакстандыктарды өткөрбөй башташты.
