Ведомство имараттын зыяратка жакын, болгону 30 метр аралыкта курулуп жатканы тууралуу ушактарды четке какты. Бул маалымат чындыкка дал келбейт.
Управление билдиргендей, курулуш үчүн бардык уруксаттар расмий архивдик маалыматтар жана мамлекеттик органдардын маалымкаттары негизинде берилген. Атап айтканда, 2018-жылга таандык жергиликтүү айыл өкмөтүнүн документтеринде зыярат расмий түрдө жабылганы көрсөтүлгөн.
Бул документти эске алуу менен жана бардык зарыл процедураларды аткаргандан кийин курулуш үчүн уруксат алынды. Иманалиев көчөсүндөгү турак үйдүн курулушу 2024-жылы башталды.
Ошондой эле Минстрой санитардык коргоо зонасы жабык зыяраттар үчүн минимум 50 метр болушу керектигин белгиледи.
Топографиялык өлчөмдөргө ылайык, курулуп жаткан объект менен зыяраттын ортосундагы аралык 60тан 70 метрге чейин өзгөрүп турат, бул белгиленген нормаларга жооп берет.
Ведомство зыяраттын статусу — анын жабылышы же кийинки пайдаланылышы боюнча суроолор жергиликтүү бийлик органдарынын компетенциясында экенин баса белгиледи.
Управление ошондой эле уруксат берүүчү документтер учурдагы мыйзамдарга ылайык жана алардын каралып жаткан учурундагы актуалдуу документтер негизинде берилгенин белгиледи.
