Кыргыз Республикасынын Ички иштер министрлиги «Кыргызнефтегаз» компаниясынын иши менен байланышкан коррупциялык аракеттер боюнча кылмыш ишин козгоду. Бул тууралуу ИИМдин басма сөз кызматы билдирди.
Жакында массалык маалымат каражаттарында Мамлекеттик салык кызматы тарабынан даярдалган «Майлаш үчүн: «Кыргызнефтегазды» кантип кыйратып салды» аттуу териштирүү боюнча видеоматериалдар пайда болду.
Берилген маалыматтарга ылайык, «Кыргызнефтегаздын» кызматкерлери, кызмат абалын кыянаттык менен пайдаланып, байланышкан компаниялар менен биргеликте отун-майлоочу материалдарды (ОММ) сатуу жана бөлүштүрүү боюнча мыйзамсыз схемаларды иштеп чыгышкан. Лауазымдуу адамдар «Кыргызнефтегаз» стратегиялык мааниге ээ мамлекеттик ишкана экенин түшүнүп, мамлекеттик жана жарандардын кызыкчылыгында компанияны эффективдүү башкаруунун ордуна, өз милдеттерине каршы аракет кылышкан.
Өлкөдөгү ОММ бааларынын жогорулашынын фонуна каршы, кырдаалды стабилдештирүү боюнча чараларды көрүүнүн ордуна, алар аталган тармакта көзөмөл жүргүзгөн белгисиз мамлекеттик органдардын өкүлдөрү менен сүйлөшүүгө киришишкен. Бул айрым байланышкан компаниялардын ишине шарт түзүп, аларга салык жана башка милдеттүү төлөмдөрдөн качуу аркылуу мыйзамсыз киреше алуу мүмкүнчүлүгүн берген.
Жогоруда айтылгандар боюнча ИИМдин Тергөө кызматы Кыргыз Республикасынын Кылмыш кодексинин 336-беренеси «Коррупция» боюнча кылмыш ишин козгоду. Учурда Мамлекеттик салык кызматынын адистеринин катышуусунда бардык жагдайларды терең жана объективдүү изилдөө үчүн зарыл болгон тергөө иш-чаралары жүргүзүлүүдө, ошондой эле күнөөлүү адамдарды аныктоо жана жоопкерчиликке тартуу боюнча иштер аткарылууда.
