Мамлекетке алынуучу жер участкалары боюнча маселелерди чечүү үчүн жаңы комиссия түзүлдү
Кыргызстанда жер амнистиясы боюнча жергиликтүү администрациялар жана мэриялар тарабынан иштеп жаткан бардык комиссиялардын иши 2026-жылдын 1-мартына чейин убактылуу токтотулду.
Президент Садыр Жапаров «Жарандардын жер амнистиясы объектилерине менчик укуктарын бекитүү боюнча иштерди аяктоо жөнүндө» жарлыкка кол койду.
Жарлыктын негизги максаты — жер ресурстарын башкаруу жана жер мамилелерин жөнгө салуу боюнча бирдиктүү мамлекеттик саясатты ишке ашыруу, ошондой эле жарандардын жер амнистиясы объектилерине укуктарын бекитүү менен байланышкан иштерди аяктоо.
Жер амнистиясы дегенде 2021-жылдын 1-декабрына чейин түзүлгөн, жеке турак үйлөр, анын ичинде аякталбаган үйлөр жайгашкан, каотикалык курулуштар категориясына кирген участоктор түшүндүрүлөт. Бул участокторго 2025-жылдын 1-июлуна чейин жарандар тарабынан белгиленген тартипте арыздар берилген болушу керек.
Республикада жер участкаларын легалдаштыруу үчүн мамлекеттик комиссия түзүлөт.
Комиссияга 2021-жылдын 1-декабрынан кийин өз алдынча курулган же аяктабай калган үйлөр менен мамлекеттик менчикке алынуучу жер участкалары боюнча маселелерди, каотикалык курулуштар категориясына кирбеген участокторду, тиешелүү мамлекеттик органдар менен кызматташып, карап чыгуу тапшырылат. Бул айыл чарба багытындагы жер участкаларын же «Мамлекеттик ипотекалык компания» акционердик коомунун фондунан турак жайды үлүштүк кызматташтык шартында берүү мүмкүнчүлүгүн берет.
Сүрөт www
