Кытай Эл Республикасы 35 жылга 2,3 миллиард доллар бөлөт
Жакында Кытай, Кыргызстан жана Өзбекстанды байланыштырган темир жолду куруу боюнча каржылоонун келишими кол коюлду. Кол коюу аземине өкмөттүн орун басары, суу ресурстары, айыл чарба жана кайра иштетүү өнөр жайы министри Бакыт Торобаев катышты, деп билдиришти өкмөт аппараты.
Бул келишим «Кытай – Кыргызстан – Өзбекстан темир жолу» биргелешкен долбоордук компаниясы менен Кытайдан келген банктар синдикаты, анын ичинде Эксимбанк жана Кытайдын Өнүктүрүү мамлекеттик банкы менен түзүлгөн.
Темир жолдун курулушунун жалпы баасы 4,7 миллиард долларды түзөт. Бул сумма ичинен Кытай 35 жылга долбоордук компанияга 2,3 миллиард доллар насыя түрүндө берет. Бул насыяны төлөө түздөн-түз компания тарабынан жүргүзүлөт. Калган 2,3 миллиард доллар үч мамлекет тарабынан компаниянын уставдык капиталына салынат, анын ичинде Кытайдын үлүшү 51% түзсө, Кыргызстан жана Өзбекстан 24,5% алышат.
Сүрөт www
