Бул иш-чараларга бардык менчик формасындагы ишканалар, уюмдар жана мекемелер тартылат.
Административдик райондордун башчыларына муниципалдык аймактык башкармалыктар менен биргеликте жакшыртуу жана санитардык тазалоо иштерин уюштуруп, координациялоого, ошондой эле объектилердин ээлери жана турак жай ээлеринин ассоциациялары менен өз ара аракеттешүүнү камсыз кылууга тапшырма берилди. Коомдук уюмдарды жана ишкер субъекттерди тартуу, ошондой эле катуу тиричилик калдыктарын убагында чыгарууну камсыз кылуу, мыйзамсыз таштандыларды пайда болуунун алдын алуу жана аймактардын санитардык абалын көзөмөлдөө, анын ичинде базарларды жана мини-базарларды көзөмөлдөө маанилүү.
2025-жылдын 29-августунда Бишкек шаардык кенешинин №150 токтому менен бекитилген Бишкек шаарынын жакшыртуу эрежелеринин 168-пунктуна ылайык, бардык жетекчилер, уюмдардын кызматкерлери жана жарандар бекитилген жана жакын жайгашкан аймакта санитардык тазалоо жана жакшыртуу боюнча айлык иш-чараларга катышууга милдеттүү.
