Мамлекеттер эл аралык жүк ташуулар боюнча кызматташтыкты өнүктүрүүнү көздөшөт
2025-жылдын 18-декабрында Кабулда Кыргызстан Республикасынын Транспорт жана байланыш министринин орун басары Алмаз Тургунбаев Афганистандын Транспорт жана жарандык авиация министринин орун басары Абдул Хайдари менен жолугушту. Жолугушуунун жүрүшүндө транспорттук кызматташтыктын келечеги талкууланды.
Алмаз Тургунбаев эки тарап 2026-жылга эл аралык жүк ташуулар үчүн 1000 даана «дозвол» бланктарын алмашууну сунуштады. Бул сунуш афган тараптан колдоо тапты.
Транспорт жана байланыш министрлигинин басма сөз кызматы афган тараптын транзит боюнча эки тараптуу келишим түзүүнү сунуштаганын, кыргыз тарап болсо мындай документтин долбоорун караууга даяр экенин билдирди.
«Кыргыз өкүлдөрү жүк ташуулардын коопсуздугунун маанилүүлүгүн белгилеп, Афганистан аркылуу Иранга жана Пакистанга транзиттик маршруттарды өнүктүрүүгө кызыкдар экенин билдиришти. Жолугушуунун натыйжасында биргелешкен автотранспорт комиссиясын түзүү жана эки өлкө ортосундагы мамилелерди чыңдоо үчүн туруктуу диалогду сактоо зарылдыгы жөнүндө чечим кабыл алынды», — деп айтылат билдирүүдө.
Сүрөт www
