Афганистан, Иран жана Түркия өлкөлөрү Герат менен Мазари-Шариф арасында жаңы темир жол линиясын биргелешип куруу боюнча келишимге келишти. Учурда долбоор техникалык-экономикалык негиздеме стадиясында, анын баасы 10 миллион долларды түзөт, ал эми биринчи тесттик жүк рейсинин ишке кириши 2027-жылга пландалууда.
Евразия стратегиялык изилдөөлөр борборунун директору, саясатчы Бакыт Жумагулов «Кабар» агенттигине бул долбоордун мааниси тууралуу өз пикирин бөлүштү.
«Долбоор Борбордук Азияны, Афганистан, Иран, Түркия жана Европаны байланыштырган соода коридорун түзөт. Бул жүк ташууларды кыйла жеңилдетет жана транзит үчүн керектүү убакытты кыскартат. Мындан тышкары, ал геополитикалык жана регионалдык маанилүү артыкчылыктарга ээ, Афганистанды регионалдык экономикага интеграциялоого көмөктөшөт. Иран жана Түркиянын транспорттук түйүндөр катары ролу күчөйт, бул Борбордук Азиянын маанисин жогорулатат. Социалдык-экономикалык кесепеттер да маанилүү болот: миңдеген жумуш орундары пайда болот, ал эми темир жол өтө турган шаарлар жана региондордун өнүгүшү тездетилет. Жалпысынан алганда, долбоор узак мөөнөттүү глобалдык кызыкчылыктарды түзөт», — деди ал.
