Алгачкы токтоочу Н. Исанов көчөсү менен Чүй проспектинин бурчундагы жаңы офис борбору болду. Бул жерде алар реставрациядан кийин бизнес борборунда түзүлгөн шарттарды, ошондой эле заманбап офис мейкиндиктерин уюштуруу үчүн колдонулган инновациялык ыкмаларды изилдешти. Вьетнамдык "Rox Group" компаниясынын башкармалыгынын төрагасы Чан Ань Туан борбордун функционалдык мүмкүнчүлүктөрү жана анын борбордун бизнес потенциалы үчүн мааниси тууралуу маалымат бөлүштү.
Маршруттагы кийинки пункт "Бишкексельмаш" жылуулук борбору болду, анда сапарга катышуучулар анын реконструкциясынын биринчи этаптын жыйынтыктары менен таанышышты.
Шаардын мэри Айбек Джунушалиев Министрлер Кабинетинин башчысын жабдууларды модернизациялоо боюнча маалымдады, бул жылуулук камсыздоонун натыйжалуулугун кыйла жогорулатууга жана кышкы мезгилде жылуулук борборунун ишенимдүү иштешин камсыз кылууга жардам берет. Ал борбордук жылуулук борборлорун жаңылоо Бишкектин энергетикалык коопсуздугун камсыз кылуу үчүн маанилүү милдет экенин белгиледи.
Иш сапарынын соңунда вьетнамдык "Rox Group" компаниясы тарабынан ишке ашырылып жаткан ири инвестициялык долбоор "Royal Central Park" курулуш аянтчасында болду.
Компаниянын өкүлү курулуш иштеринин жүрүшү тууралуу айтып берди жана "Royal Central Park" заманбап көп функционалдуу комплекс катары ойлонулуп, жашоо жана коомдук мейкиндиктерди бириктирерин баса белгиледи.
Министрлер Кабинетинин башчысы масштабдуу курулуш процессинде сапат стандарттарын жана экологиялык нормаларды сактоонун зарылдыгына, ошондой эле борбордун архитектуралык көрүнүшүн жана инфраструктурасын жаңылоо үчүн мындай инвестициялык долбоорлордун маанилүүлүгүнө көңүл бурду. Ал ошондой эле бизнести колдоого багытталган мамлекеттик саясатты белгиледи.
"Министрлер Кабинети инвесторлор үчүн бардык шарттарды түзүүгө аракет кылат. Биз сиздер үчүн 24/7 ачыкпыз," - деди Министрлер Кабинетинин башчысы.
Сапардын жыйынтыгы боюнча Адылбек Касымалиев шаардык профилдик кызматтарга жана мамлекеттик органдарга Бишкектин инфраструктурасын өнүктүрүү жана маанилүү инвестициялык демилгелерди оперативдүү коштоп турууну улантууну тапшырды.
