Өкмөттүн басма сөз кызматынан маалымдалгандай, жолугушуу учурунда JICAнын колдоосу менен Кыргызстанда ишке ашырылган долбоорлор талкууланды. Көптөгөн узак мөөнөттүү инициативалар жарандардын жашоо деңгээлин жакшыртууга олуттуу салым кошкону белгиленди.
Ушул кызматташтыктын ийгиликтүү мисалдары катары «Бир айыл – бир продукт» жана Япония өкмөтүнүн стипендиялык программасы (JDS) аталды.
Ошондой эле жолугушууда транспорт, саламаттык сактоо, энергетика жана адам ресурстарын өнүктүрүү тармактарындагы гранттык жана техникалык жардамга байланыштуу долбоорлорду ишке ашыруу маселелери каралды.
JICAнын колдоосу менен Кыргызстанда 43 долбоор ишке ашырылганын жана быйыл агенттиктин борбордогу өкүлчүлүгүнүн ачылганына 25 жыл толуганы белгиленет.
