2025-жылдын аягына карата жүзүм багынын аянты 2 870 гектарга жетип, 2024-жылга салыштырмалуу 225 гектарга көбөйдү. Ошол эле учурда жалпы түшүм 5 990,1 тонна болуп, орточо түшүмдүүлүк гектардан 20,5 центнерди түздү.
Секторду колдоо үчүн Сербиядан фитосанитардык контролдон өткөн жана вируссуз, техникалык сорттордон тандалган жүзүм көчөттөрү алып келинди.
Баткен облусунда, тактап айтканда Лейлек районунда жүзүмчүлүктү өнүктүрүүгө багытталган долбоорлор ишке ашырылууда. Жаны-Жер айылдык аймагында кооперативдер "аватар" жана "кишмиш" сортторунун көчөттөрүн өстүрүү менен алектенишет. Бир убакта "аватар", "маникюр фингер" жана "кишмиш" сортторунун көчөттөрүн өндүрүүгө адистешкен жаңы питомник түзүү пландалууда.
