Иш-чарага шаардык кенештин төрагасы Болот Баетов, Ош шаарынын биринчи вице-мэри Оморбек Торобаев, депутаттар, жергиликтүү мекемелердин жана ишканалардын жетекчилери, ошондой эле коомдук жана бейөкмөт уюмдардын өкүлдөрү, активисттер жана жергиликтүү тургундар катышты.
Бюджеттин негизги чыгымдары мамлекеттик кызматтарга, коргоого, экономикалык маселелерге, турак-жай-коммуналдык чарбага, спортко, маданиятка, билим берүүгө жана социалдык коргоого багытталат.
Угуу учурунда шаар тургундары жана активисттер мүмкүнчүлүгү чектелген адамдар үчүн шарттарды жакшыртууга, социалдык коргоону каржылоону көбөйтүүгө жана «Алай-1» жана «Алай-2» аймактарында инфраструктураны өнүктүрүүгө багытталган бир нече демилгелерди сунушташты.
Ошондой эле айыл өкмөттөрү үчүн финансылык жардам долбоорлорун жөнөкөйлөтүү, коомдук транспорттун маршруттарын оптималдаштыруу, туруктуу электр энергиясын камсыз кылуу, ички жолдорду оңдоо жана түштүк борборунда экологиялык абалды жакшыртуу маселелери талкууланды.
