Жаңы механизмдин иштөө принциптери
Салык төлөөчү карыз тууралуу билдирүү алат жана карызды 30 күндүн ичинде өз ыктыяры менен төлөп берүүгө мүмкүнчүлүк алат.Эгер белгиленген мөөнөттө карыз төлөнбөсө, ГНС банкке же төлөм системасына талап жиберет. Каржы мекемелери жана операторлор карызды төлөө үчүн зарыл болгон суммаларды дароо которууга милдеттүү, ал эми бул талапты аткарбаган учурда санкциялар каралган.
Карызды акча каражаттарын сактоонун бардык формаларынан өндүрүүгө болот, жана салык органы банктар менен операторлордун карызды толук төлөө боюнча милдеттерин аткаруусун көзөмөлдөйт.
Өзгөртүүлөр кимдерге арналган
Бул өзгөртүүлөр болгону физикалык жактарга жана алардын банк эсептериндеги каражаттарына тиешелүү. Мурда мындай чаралар негизинен юридикалык жактарга жана жеке ишкерлерге колдонулчу. "Өзгөртүүлөр тастыкталган салык карыздарын өндүрүүнүн механизмин жакшыртууга жана бардык салык төлөөчүлөр үчүн бирдей шарттарды түзүүгө багытталган", - деп белгилешти демилгечилер.
