Жолугушуу учурунда ведомствонун өкүлдөрү келечектеги кызматташтык үчүн маанилүү багыттарды талкуулашты, 2030-жылга чейин саламаттык сактоо системасын өнүктүрүүнүн приоритеттерине көңүл бурушту. Айрыкча, саламаттык сактоо институттарын бекемдөөгө, медициналык персоналдын квалификациясын жогорулатууга, медициналык кызматтарды цифрлаштырууга жана улуттук саламаттык сактоо системасынын туруктуулугун жогорулатууга өзгөчө көңүл бөлүндү.
Талкуунун негизги маселеси дары-дармек жана медициналык буюмдарды БУУ системасы аркылуу сатып алуу механизмдерин жакшыртуу болду. Ошондой эле, сапаттуу дары-дармектерге акылга сыярлык баада жеткиликтүүлүктү камсыз кылуу жана сатып алуу процесстеринин натыйжалуулугун жана ачыктыгын жогорулатуу үчүн борборлоштурулган сатып алуулар боюнча ПРООН менен кызматташуу боюнча кадамдар белгиленди.
