Франс 2 телеканалына берген интервьюсунда Украина президенти Владимир Зеленский, Россия Федерациясы менен болгон кагылышта өлкөнүн аскердик жоготуулары 55 миңден ашканын билдирди. «Украинада согуш талаасында расмий түрдө 55 миң аскер кызматкери, контракттык жана мобилизацияланган жоокерлер өлдү. Бул санга из-түзсуз жоголгон адамдардын маанилүү санын кошуу керек», — деди ал 4-февралда.
Зеленский 2025-жылдын февралында 46 миң өлгөн жоокерлер тууралуу маалымат бергенин эске салды. Президент ошондой эле Украина үчүн негизги максат согуш аракеттерин токтотуу экенин белгилеп, активдүү дипломатиялык аракеттер жана сүйлөшүүлөр аркылуу бир жылдын ичинде тынчтыкка жетүүгө үмүт артарын айтты.
Ал эми дипломатиялык демилгелер Россиянын талаптарын кабыл алуу же кол коюуну билдирбестигин кошумчалады. «ВСУнун Донбастын бардык аймагынан чыгып кетиши — бул биздин 'кызыл сызык',» — деди Зеленский. Ал учурдагы позицияларда "фронтту тоңдуруу" Украина тараптан "маанилүү компромисс" болорун белгилеп, бирок өлкөнүн көз карандысыздыгын коргоо үчүн диалогго ачык экенин айтты.
